കാഞ്ഞങ്ങാട്: സ്കൂള് ഗ്രൗണ്ടില് കളിക്കുന്നതിനിടെ വീണ വിദ്യാര്ഥിയുടെ കൈപ്പത്തിയില് ആണി തുളഞ്ഞുകയറി.
ബല്ല ഈസ്റ്റ് ഗവ. ഹയര് സെക്കന്ഡറി സ്കൂളിലെ ആറാംക്ലാസ് വിദ്യാര്ഥി വിഘ്നേഷിന്റെ (11) കൈയിലാണ് ആണി തുളഞ്ഞുകയറിയത്. ചൊവ്വാഴ്ച ഉച്ചയോടെയാണുസംഭവം. ഗ്രൗണ്ടില് ഓടുന്നതിനിടെ ആണി തറച്ച പലകയുടെ മുകളിലേക്കാണ് വിഘ്നേഷ് വീണത്.
വേദന കൊണ്ട് പുളഞ്ഞ വിഘ്നേഷിന്റെ അടുത്തേക്ക് സഹപാഠികളും അധ്യാപകരും ഓടിയെത്തി. ഉടന്തന്നെ പലക സഹിതം വിഘ്നേഷിനെ ജില്ലാ ആശുപത്രിയിലേക്ക് കൊണ്ടുപോയി.
ഡോക്ടര്മാര് ഏറെ പരിശ്രമിച്ചെങ്കിലും ആണി ഊരിയെടുക്കാനായില്ല. തുടര്ന്ന് കാഞ്ഞങ്ങാട് അഗ്നിരക്ഷാസേനയുടെ സഹായം തേടി. അഗ്നിരക്ഷാസേനാംഗങ്ങള് എത്തി കട്ടിംഗ് പ്ലെയര് ഉപയോഗിച്ച് സൂക്ഷ്മതയോടെ ആണി ഊരിയെടുക്കുകയായിരുന്നു.
Deepika
E-paper LOGIN
LOGIN
